ಕೇಂದ್ರ ಭದ್ರಾ ಯೋಜನೆಗೆ ಶೀಘ್ರ 5300 ಕೋಟಿ ಬಿಡುಗಡೆ ಮಾಡಲಿ:ಶಾಸಕ ಟಿ.ರಘುಮೂರ್ತಿ ಆಗ್ರಹ

ಕೇಂದ್ರ ಸರ್ಕಾರ 16500 ಕೋಟಿಗೆ ಈ ಯೋಜನೆ ಮೊತ್ತ ನಿಗದಿ ಮಾಡಲಾಯಿತು‌. ಹನಿ ನೀರಾವರಿಗೆ ಯೋಜನೆ ಒಳಪಡಿಸಿ ರಾಷ್ಟ್ರೀಯ ಯೋಜನೆ ಎಂದು ಘೋಷಿಸಿ ರಾಜ್ಯದ  ಪಾಲು 60%  ಮತ್ತು ಕೇಂದ್ರ ಪಾಲು 40 % ನಂತೆ ನಿಗದಿ ಮಾಡಿದರು‌. 5300 ಕೋಟಿ ನಿಗದಿ ಮಾಡಿ ರಾಷ್ಟ್ರೀಯ ಯೋಜನೆ ಎಂದು ಘೋಷಿಸಿದರು ಒಂದು ಪೈಸೆ  ಬಿಡುಗಡೆ ಮಾಡಿಲ್ಲ ಎಂದು ಕೇಂದ್ರ ಸರ್ಕಾರದ ಗುಡುಗಿದರು.

ಹೊಸ ಸರ್ಕಾರ ಬಂದ ನಂತರ ಕೇಂದ್ರ ಸರ್ಕಾರ ಕೇಳಿದ ಎಲ್ಲಾ ಮಾಹಿತಿ

ನೀಡಿದರು ಹಣ ನೀಡಲು ಮನಸ್ಸು ಮಾಡಿಲ್ಲ. ಇಲ್ಲಿಯವರೆಗೂ ಸಹ ಎಂಟು ಸಾವಿರ ಕೋಟಿ ಹಣ ಭದ್ರಾ ಮೇಲ್ದಂಡೆ ಯೋಜನೆಗೆ ವ್ಯಯ ಮಾಡಿದ್ದು ಅದರಲ್ಲಿ 1700 ಕೋಟಿ ಮಾಡಿರುವ ಕಾಮಗಾರಿ ವೆಚ್ಚ ಸರ್ಕಾರ ನೀಡಬೇಕಿದೆ. ನಮ್ಮ  ಸರ್ಕಾರ ಬಂದ ಮೇಲೆ 1200 ಕೋಟಿ ಹಣ ಬಿಡುಗಡೆ ಮಾಡಿದೆ. ಕೇಂದ್ರ ಸರ್ಕಾರ 5300   ಕೋಟಿ ಹಣ ಬಿಡುಗಡೆ ಮಾಡದಿದ್ದ ಕಾರಣದಿಂದ ಯೋಜನೆ ಕುಂಠಿತವಾಗಿದೆ ಎಂದು ನೇರವಾಗಿ ಕೇಂದ್ರ ಸರ್ಕಾರ ವಿರುದ್ದ ಹರಿಹಾಯ್ದರು.

ಕೇಂದ್ರ ಸರ್ಕಾರ 21500 ಕೋಟಿಯನ್ನು ಕಡಿಮೆ ಮಾಡದೇ ಹನಿನೀರಾವರಿ ಯೋಜನೆ ಮಾಡಬೇಕು. ಚಿತ್ರದುರ್ಗ ಜಿಲ್ಲೆಗೆ ಯಾವ ನೀರಾವರಿ ಯೋಜನೆ ಇಲ್ಲ.16500 ಕೋಟಿ ಅನುದಾನ ಕಡಿತಗೊಳಿಸಬೇಡಿ ಎಂದು ನಮ್ಮ ಜಿಲ್ಲೆಯ ಸಚಿವರು ಮತ್ತು  ಶಾಸಕರು ಸಭೆಯಲ್ಲಿ ಸಿಎಂ ,ಡಿಸಿಎಂ ಅವರ ಗಮನಕ್ಕೆ ಎಲ್ಲಾ ಮಾಹಿತಿ ನೀಡಿದ್ದು ನೂರಕ್ಕೆ ನೂರರಷ್ಟು ನಮ್ಮ ಸರ್ಕಾರ ಅನುದಾನ ಒದಗಿಸಲು ಬದ್ದವಾಗಿದೆ.ಬಜೆಟ್ ಸಂದರ್ಭದಲ್ಲಿ ಸಹ ನಾವು ಸಿಎಂ ಬಳಿ ಮತ್ತೆ ಮನವಿ ಮಾಡುತ್ತೇವೆ ಮತ್ತು 2025 ನೀರಾವರಿ ಯೋಜನೆ ಎಂದು ಘೋಷಣೆ ಮಾಡಿದ್ದು ಹೆಚ್ಚಿನ ಹಣಕ್ಕೆ ಬೇಡಿಕೆ ಸಲ್ಲಿಸುತ್ತೇವೆ. ಇದೇ ವರ್ಷ ಅಕ್ಟೋಬರ್ 2 ಕ್ಕೆ ನೀರು ನಮ್ಮ ಜಿಲ್ಲೆಯ ಹರಿಯಲಿದೆ ಮತ್ತು ತರೀಕೆರೆ ಬಳಿ ರೈತರ ಸಮಸ್ಯೆ ಬಗೆಹರಿದಿದ್ದು ಯಾವುದೇ ಅಡ್ಡಿ ಆತಂಕ ಇಲ್ಲ. ಇಲಾಖೆ  ಡಿಸಿಎಂ  ಡಿ.ಕೆ.ಶಿವಕುಮಾರ್ ಅವರು ಸಹ ಶೀಘ್ರವಾಗಿ  ಆಗಮಿಸಲಿದ್ದು ಭದ್ರಾ ಕಾಮಗಾರಿ ಪರಿಶೀಲನೆ  ನಡೆಸಲಿದ್ದಾರೆ ಎಂದು ರೈತರಿಗೆ ಅಭಯ ನೀಡಿದರು‌.