ಸಾವಿರಾರು ಹೆಕ್ಟೇರ್ ಈರುಳ್ಳಿ ಶೇಂಗಾ ಬೆಳೆ ಮಳೆಗೆ ಹಾನಿ, ತಾಲೂನಾದ್ಯಂತ ಆಗಿರುವ ನಷ್ಟದ ಪರಿಹಾರ ತುರ್ತು ಘೋಷಿಸಿ: ಶಾಸಕ ಟಿ.ರಘುಮೂರ್ತಿ

ವಿಧಾನಸಭೆ ಅಧಿವೇಶನ: ಚಿತ್ರದುರ್ಗ ಜಿಲ್ಲೆಯ ಜನರು ಸಂಭ್ರದಲ್ಲಿದ್ದಾರೆ. ರೈತರ, ಸಂಘ ಸಂಸ್ಥೆಗಳ ಹೋರಟ ಫಲವಾಗಿ 16.5 ಟಿಎಂಸಿ ಭದ್ರಾ ನೀರು ಹರಿದು ಜೊತೆಗೆ ಈ ಬಾರಿ ಉತ್ತಮ ಮಳೆಯಾಗಿದ್ದು ವಾಣಿವಿಲಾಸ ಸಾಗರ ದಾಖಲೆ ಮಟ್ಟ ತಲುಪಿ ತುಂಬಿ ಹರಿಯುತ್ತಿದೆ.ನಮ್ಮ  ಜಿಲ್ಲೆಯ  ಆರು  ತಾಲೂಕುಗಳಿಗೆ ಅನುಕೂಲವಾಗಿದೆ. ಭದ್ರಾ ಮೇಲ್ದಂಡೆ ಯೋಜನೆಯಿಂದ ಸಾಕಷ್ಟು ಅನುಕೂಲವಾಗಿದ್ದಕ್ಕೆ ಪಕ್ಷಾತೀತವಾಗಿ ಎಲ್ಲಾ ಸರ್ಕಾರದ ಮುಖ್ಯಮಂತ್ರಿಗಳಿಗೆ ನನ್ನ ಕ್ಷೇತ್ರದ ಮತ್ತು ಜಿಲ್ಲೆಯ ಜನತೆಯ ಪರವಾಗಿ ಅಭಿನಂದನೆ ಸಲ್ಲಿಸುತ್ತೇನೆ ಎಂದು  ಶಾಸಕ ಟಿ.ರಘುಮೂರ್ತಿ ತಿಳಿಸಿದರು.