ಜೆ.ಜೆ.ಹಟ್ಟಿಯಲ್ಲಿ ಪುನೀತ್ ರಾಜಕುಮಾರ್ ಗೆ ನಮನ, ಅನ್ನಸಂತರ್ಪಣೆ ಮತ್ತು ನೇತ್ರದಾನ ನೊಂದಣಿ ಶಿಬಿರ

ಚಿತ್ರದುರ್ಗ, ನಗರದ ಜೆ. ಜೆ. ಹಟ್ಟಿಯ ಯುವಕರಿಂದ ನೇತ್ರದಾನ ನೊಂದಣಿ ಮತ್ತು ಅನ್ನಸಂತರ್ಪಣೆ ಕಾರ್ಯಕ್ರಮ, ಜೆಜೆ ಹಟ್ಟಿಯ 50ಕ್ಕೂ ಹೆಚ್ಚು ಯುವಕರು ನೇತ್ರದಾನ ನೊಂದಣಿ ಮತ್ತು ಅನ್ನಸಂತರ್ಪಣೆ ಕಾರ್ಯ ಮಾಡುವ ಮೂಲಕ ಪುನೀತ್ ರಾಜಕುಮಾರ್ ಅವರಿಗೆ ನಮನ ಸಲ್ಲಿಸಿದರು. ಇದೇ ವೇಳೆ ನಿವೃತ್ತ ಪ್ರಾಂಶುಪಾಲರಾದ ಪ್ರೊ. ಸಿ. ಕೆ. ಮಹೇಶ್ ಅವರು ಮಾತನಾಡಿ ಪುನೀತ್ ರಾಜಕುಮಾರ್ ಅವರು ಒಬ್ಬ ನಟನಾಗಿ ಒಳ್ಳೆಯ ವ್ಯಕ್ತಿಯಾಗಿ ಬುದ್ಧನ ತತ್ವ ಮತ್ತು ಮೌಲ್ಯ ಉಳ್ಳವರಾಗಿದ್ದರು. ಶಾಂತಿಯಿಂದ ಪ್ರೀತಿಯಿಂದ ಗೌರವದಿಂದ ಎಲ್ಲರನ್ನೂ ಸಮಾನವಾಗಿ ನೋಡುತ್ತಿದ್ದವರು ಅಷ್ಟೇ ಅಲ್ಲದೆ ಸಮಾಜಕ್ಕೆ ಸಹಾಯ ಮಾಡುವ ಮೂಲಕ ದೊಡ್ಡಮನೆಯ ದೊಡ್ಡತನವನ್ನು ತೋರಿಸಿಕೊಟ್ಟವರು ಕೇವಲ 46 ವಯಸ್ಸಿಗೆ ಅವರನ್ನು ಕಳೆದುಕೊಂಡಿರುವುದು ತುಂಬಾ ಬೇಸರದ ಸಂಗತಿ ಎಂದರು.ಇದೇ ವೇಳೆ ಮುಖೇಶ್ ಅವರು ಮಾತನಾಡಿ ಪುನೀತ್ ರಾಜಕುಮಾರ್ ಅವರು ಸಮಾಜಕ್ಕೆ ಒಳ್ಳೆಯ ಮಾರ್ಗದರ್ಶಕರಾಗಿ ಬೆಳೆದವರು. ಹಾಗೂ ನೇತ್ರದಾನ ಮಾಡುವ ಮೂಲಕ ನಾಲ್ಕು ಜನರಿಗೆ ಬೆಳಕನ್ನು ನೀಡಿದಂತಹ ದೊಡ್ಡ ವ್ಯಕ್ತಿ ಎಂದರು. ಈ ಸಂದರ್ಭದಲ್ಲಿ ಮಲ್ಲಿಕಾರ್ಜುನ್. ಶಶಿಕುಮಾರ್. ಸತೀಶ್. ರಂಗಸ್ವಾಮಿ. ನೆಲ್ಸನ್ ಮಂಡೇಲಾ. ಲಿಂಗರಾಜು. ತಿಪ್ಪೇಸ್ವಾಮಿ. ವಿಜಯ್. ಮಾರುತಿ. ರಾಮು. ಪ್ರಕಾಶ್. ಪ್ರಸಾದ್. ಬಾಲು. ಸ್ವಾಮಿ. ರಾಜು. ಶಿವಕುಮಾರ್. ಇತರರಿದ್ದರು.