ದುಬೈ, ಅ.3: ವಿಮಾನ ಹಾರಾಟದ ನಡುವೆ ಸಹ-ಪೈಲಟ್ ನಡೆಸಿದ ಭೀಕರ ಮಾರಣಾಂತಿಕ ಹಲ್ಲೆಯ ಹೊರತಾಗಿಯೂ ಅದಮ್ಯ ಧೈರ್ಯ, ಸಮಯಪ್ರಜ್ಞೆ ಮೆರೆದು 172 ಪ್ರಯಾಣಿಕರು ಹಾಗೂ ಸಿಬ್ಬಂದಿಯ ಜೀವ ಉಳಿಸಿದ ಭಾರತೀಯ ಪೈಲಟ್ ಕ್ಯಾಪ್ಟನ್ ಸ್ಮಿತ್ ಮಚ್ಚರ್ ಅವರನ್ನು ದುಬೈ ಯುವರಾಜ ಶೇಖ್ ಹಮ್ದಾನ್ ಬಿನ್ ಮೊಹಮ್ಮದ್ ಬಿನ್ ರಶೀದ್ ಅಲ್ ಮಕ್ತೂಮ್ ಆಸ್ಪತ್ರೆಗೆ ತೆರಳಿ ಖುದ್ದು ಭೇಟಿ ಮಾಡಿದ್ದಾರೆ.
ಅಬುಧಾಬಿ ಆಸ್ಪತ್ರೆಯ ಬೆಡ್ ಮೇಲೆ ಚಿಕಿತ್ಸೆ ಪಡೆಯುತ್ತಿರುವ ಕ್ಯಾಪ್ಟನ್ ಸ್ಮಿತ್ ಮಚ್ಚರ್ ಅವರ ಆರೋಗ್ಯ ವಿಚಾರಿಸಿ ಪ್ರೀತಿಯಿಂದ ಅಪ್ಪಿಕೊಂಡ ಯುವರಾಜರು, ಮಚ್ಚಾರ್ ತೋರಿದ ಅಪ್ರತಿಮ ಸಾಹಸ ಮತ್ತು ಕರ್ತವ್ಯನಿಷ್ಠೆಗೆ ದೇಶದ ಪರವಾಗಿ ಕೃತಜ್ಞತೆ ಸಲ್ಲಿಸಿದರು.ಆಸ್ಪತ್ರೆ ಭೇಟಿಯ ಬಳಿಕ ಎಕ್ಸ್‌ನಲ್ಲಿ ಫೋಟೋಗಳನ್ನು ಹಂಚಿಕೊಂಡ ಅವರು, ನಮ್ಮ ದೇಶದ ನಾಯಕತ್ವ ಹಾಗೂ ಪ್ರತಿಯೊಬ್ಬ ನಾಗರಿಕರ ಪರವಾಗಿ ಕ್ಯಾಪ್ಟನ್ ಸ್ಮಿತ್ ಮಚ್ಚಾರ್ ಅವರಿಗೆ ಹೃತ್ಪೂರ್ವಕ ಮೆಚ್ಚುಗೆ ಮತ್ತು ಪ್ರಶಂಸೆಗಳು. ಅವರು ನಮ್ಮ ತಂಡದ ಹೆಮ್ಮೆಯ ಭಾಗ ಹಾಗೂ ನಮ್ಮ ರಾಷ್ಟ್ರದ ಯಶೋಗಾಥೆಯ ಪ್ರತೀಕ. ಕರುಣೆ, ಶಾಂತಿ ಮತ್ತು ಜೀವ ರಕ್ಷಣೆಯಂತಹ ಮೌಲ್ಯಗಳಿಗೆ ಹೆಸರುವಾಸಿಯಾದ ಯುಎಇಯ ನಿಜವಾದ ಆದರ್ಶಗಳಿಗೆ ಅವರು ಸಾಕ್ಷಿಯಾಗಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
About The Author
