ವೇಣೂರು: ಕೃಷಿ ಕೂಲಿ ಕೆಲಸ ಮಾಡಿ ಸಂಸಾರವನ್ನು ಮುನ್ನಡೆಸುತ್ತಿದ್ದ ಬಡ ಕಾರ್ಮಿಕರೊಬ್ಬರು ಅನಾರೋಗ್ಯದಿಂದ ಹಾಸಿಗೆ ಹಿಡಿದಿದ್ದು, ಮುಂದಿನ ಚಿಕಿತ್ಸೆಗೆ ಹಣವಿಲ್ಲದೆ ಕಂಗಾಲಾಗಿರುವ ಕುಟುಂಬವೊಂದು ಸದಾಶಯದ ದಾನಿಗಳ ನೆರವಿಗಾಗಿ ಎದುರು ನೋಡುತ್ತಿದೆ.
ವೇಣೂರು ಸಮೀಪದ ಗುಂಡೂರಿ ಗ್ರಾಮದ ದೇರಾಜೆ ನಿವಾಸಿ ಪ್ರವೀಣ್ ಭಂಡಾರಿ (ಸಂಕಷ್ಟಕ್ಕೀಡಾದ ಕಾರ್ಮಿಕ) ಅವರೇ ಅಸಹಾಯಕ ಸ್ಥಿತಿಯಲ್ಲಿರುವವರು.
ಸಂಭವಿಸಿದ್ದುೇನು?
ಸುಮಾರು ನಾಲ್ಕು ವರ್ಷಗಳ ಹಿಂದೆ ಪ್ರವೀಣ್ ಭಂಡಾರಿ ಅವರು ತಮ್ಮ ಮನೆಯ ಪಕ್ಕದ ಗದ್ದೆಯ ದಾರಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಏಕಾಏಕಿ ಅಸ್ವಸ್ಥರಾಗಿ ಕುಸಿದುಬಿದ್ದಿದ್ದರು. ತಕ್ಷಣವೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದರೂ, ಈಘಟನೆಯಿಂದಾಗಿ ಪಾರ್ಶ್ವವಾಯುವಿನಂತಹ ಲಕ್ಷಣ ಅವರ ದೇಹದ ಎಡಭಾಗ ಸಂಪೂರ್ಣ ನಿರ್ಜೀವಗೊಂಡಿದೆ. ಅಂದಿನಿಂದ ಈ ಕುಟುಂಬಕ್ಕೆ ಕಷ್ಟದ ದಿನಗಳು ಆರಂಭವಾಗಿವೆ.
ಸಾಲದ ಸುಳಿಯಲ್ಲಿ ಕುಟುಂಬ
ಕುಟುಂಬದ ಏಕೈಕ ಆಧಾರವಾಗಿದ್ದ ಪ್ರವೀಣ್ ಭಂಡಾರಿ ಅವರು ದೈಹಿಕವಾಗಿ ಅಕ್ತರಾಗಿ ಮೂಳೆ ಸೇರಿದ್ದಾರೆ. ಮನೆಯವರು ಮತ್ತು ಬಂಧು-ಬಳಗದವರು ಕೈಲಾದಷ್ಟು ಸಾಲ ಸೋಲ ಮಾಡಿ, ಮಂಗಳೂರು ಸೇರಿದಂತೆ ಪ್ರಸಿದ್ಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಕೊಡಿಸಿದ್ದಾರೆ. ಆದರೆ, ರೋಗಿಯ ಸ್ಥಿತಿ ಸಂಪೂರ್ಣ ಸುಧಾರಿಸಿಲ್ಲ. ವೈದ್ಯರ ಸಲಹೆಯಂತೆ ಮುಂದಿನ ದಿನಗಳಲ್ಲಿ ಮುಂದುವರಿದ ಚಿಕಿತ್ಸೆಗಾಗಿ ಫಿಸಿಯೋಥೆರಪಿ (Physiotherapy) ಹಾಗೂ ನಿರಂತರ ಔಷಧೋಪಚಾರಗಳನ್ನು ಕೊಡಿಸಬೇಕಾಗಿದ್ದು, ಇದಕ್ಕೆ ಲಕ್ಷಾಂತರ ರೂಪಾಯಿಗಳ ಅಗತ್ಯವಿದೆ. ಆದರೆ ದಿನನಿತ್ಯದ ಬದುಕಿಗೇ ಪರದಾಡುತ್ತಿರುವ ಕುಟುಂಬದ ಬಳಿ ಹಣವಿಲ್ಲದೆ ವೈದ್ಯಕೀಯ ಚಿಕಿತ್ಸೆಯನ್ನು ಮುಂದುವರಿಸಲು ಸಾಧ್ಯವಾಗದ ಸ್ಥಿತಿ ನಿರ್ಮಾಣವಾಗಿದೆ.
ಪತ್ನಿಯ ಹೆಗಲೇರಿದ ಸಂಸಾರದ ಭಾರ
ಪ್ರವೀಣ್ ಭಂಡಾರಿ ಅವರ ಪತ್ನಿ ಉಷಾ ಭಂಡಾರಿ ಹಾಗೂ ಇಬ್ಬರು ಚಿಕ್ಕ ಮಕ್ಕಳನ್ನು ಹೊಂದಿದ್ದಾರೆ. ಕೂಲಿ ಮಾಡಿ ಸಂಸಾರ ನಡೆಸುತ್ತಿದ್ದ ಯಜಮಾನರೇ ಹಾಸಿಗೆ ಹಿಡಿದಿರುವುದರಿಂದ, ಇಡೀ ಕುಟುಂಬದ ನಿರ್ವಹಣೆಯ ಸಂಪೂರ್ಣ ಜವಾಬ್ದಾರಿ ಇದೀಗ ಪತ್ನಿ ಉಷಾ ಭಂಡಾರಿ ಅವರ ಹೆಗಲೇರಿದೆ.
ದಾನಿಗಳ ಸಹಾಯಕ್ಕೆ ಮನವಿ
ಅಸಹಾಯಕ ಸ್ಥಿತಿಯಲ್ಲಿರುವ ಪ್ರವೀಣ್ ಭಂಡಾರಿ ಅವರ ಚಿಕಿತ್ಸೆಗೆ ಹಾಗೂ ಕುಟುಂಬದ ಬದುಕಿಗೆ ಸೌಹಾರ್ದಯುತ ದಾನಿಗಳು, ಸಂಘ-ಸಂಸ್ಥೆಗಳು ಮತ್ತು ಊರಿನ ಪರಊರಿನ ದಾನಿಗಳು ಸಾಧ್ಯವಾದಷ್ಟು ಆರ್ಥಿಕ ನೆರವು ನೀಡಿ, ಬಡ ಕುಟುಂಬದ ಕಣ್ಣೀರು ಒರೆಸಲು ಮುಂದೆ ಬರಬೇಕಾಗಿ ವಿನಂತಿ.
ಸಹಾಯ ಮಾಡಲು ಇಚ್ಛಿಸುವ ದಾನಿಗಳು ಸಂಪರ್ಕಿಸಬೇಕಾದ ವಿವರ:
ಮನೆ ವಿಳಾಸ: ಪ್ರವೀಣ್ ಭಂಡಾರಿ, ದೇರಾಜೆ ಮನೆ, ಗುಂಡೂರಿ ಗ್ರಾಮ, ವೇಣೂರು ಅಂಚೆ, ಬೆಳ್ತಂಗಡಿ ತಾಲೂಕು. 9481021067.
Bank A/c Detiles: K. Usha Bhandary,
Canara Bank Venur Branch,
Ac.No: 01502250006819 (IFSC Code: CNRB0010150)
ನಾಲ್ಕು ವರ್ಷಗಳಿಂದ ಮಂಚದ ಮೇಲೆಯೇ ದಿನ ದೂಡುತ್ತಿರುವ ಪ್ರವೀಣ್ ಅವರ ಕಣ್ಣುಗಳಲ್ಲಿ ಈಗಲೂ ಬದುಕಿನ ಆಸೆ ಮತ್ತು ಮಕ್ಕಳ ಭವಿಷ್ಯದ ಚಿಂತೆ ಜೀವಂತವಾಗಿದೆ. ಒಳಿತಿನ ದಾರಿಯಲ್ಲಿ ನಡೆಯುವ ಪ್ರತಿಯೊಬ್ಬರ ಕೈಯಿಂದಲೂ ಸಣ್ಣ ಸಹಾಯವಾದರೂ ಇಂತಹ ಹತಾಶ ಕುಟುಂಬಕ್ಕೆ ದೊಡ್ಡ ಆಸರೆಯಾಗಬಲ್ಲದು. ಅಂದಿನ ಆಕಸ್ಮಿಕ ಕತ್ತಲೆಯಿಂದ ನರಳುತ್ತಿರುವ ಈ ಸಂಸಾರದ ಬಾಳಿನಲ್ಲಿ ಬೆಳಕು ಮೂಡಿಸಲು ನಿಮ್ಮ ಕೈಲಾದ ಸಹಾಯ ಮಾಡುವಂತೆ ‘ನ್ಯೂಸ್ 19 ಕನ್ನಡ’ ಮನವಿ ಮಾಡುತ್ತಿದೆ.
About the Author
